trans


KONFERENCA E SHKENCAVE TË NATYRËS DHE TEKNOLOGJISË 

KSNTEK 2017


Të nderuar kolegë,            

Universiteti i Tiranës është universiteti më i madh publik, që ka ndikim të madh në jetën shkencore dhe social-ekonomike ne vend. UT ka një emër prestigjioz, që çdo brez  pedagogësh e studentësh përpiqet jo vetëm ta ruajë, por ta çojë edhe më lart. 

 

Këtë vit Universiteti i Tiranës feston 60-vjetorin e krijimit të tij.  Në kuadrin e aktiviteteve dhe veprimtarive të shumta që organizohen në këtë vit jubilar, Fakulteti i Shkencave të Natyrës, në bashkëpunim me disa Institucione Partnere,  organizon  Konferencën e Shkencave të Natyrës dhe Teknologjisë (KSNTEK 2017), që do të mbahet në Tiranë, më 17-18 Nëntor 2017.

 

Kam nderin t’ju ftoj të bëheni pjesë e këtij aktiviteti të rëndësishëm, ku stafi akademik, kërkuesit shkencorë dhe studentët do të diskutojnë e shkëmbejnë eksperiencat e tyre kërkimore e shkencore dhe arritjet e fundit në shkencat e natyrës dhe në teknologji.

 

Me respekt

Prof. Dr. Spiro Drushku,

Dekan i Fakultetit të Shkencave të Natyrës

Universiteti i Tiranës